काठमाडौं । प्रमुख प्रतिपक्षी दल नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’लाई राष्ट्रिय प्रजातन्त्र पार्टी (राप्रपा) अध्यक्ष राजेन्द्र लिङ्देनले चियापानको निम्तो दिएका छन् ।
पृथ्वी जयन्तीको अवसरमा राप्रपाले पुस २७ गते आयोजना गर्ने चियापान समारोहको निम्तो दिन अध्यक्ष लिङ्देन सिंहदरबारस्थित माओवादी संसदीय दलको कार्यालय पुगेका थिए ।
माओवादी दलको कार्यालयमा प्रचण्ड, लिङ्देन र नेकपा एकीकृत समाजवादीका अध्यक्ष माधवकुमार नेपालबीच भेटवार्ता भएको छ ।
राप्रपा प्रवक्ता मोहन श्रेष्ठले अध्यक्ष लिङ्देन चियापानको निम्तो दिन माओवादी कार्यालय पुगेका जानकारी दिए । अध्यक्ष लिङ्देनले प्रधानमन्त्री केपी शर्मा ओली, नेपाली कांग्रेसका सभापति शेरबहादुर देउवा लगायतसँग पनि भेटवार्ता गरिसकेका छन् ।
प्रचार विभाग प्रमुख मोहन श्रेष्ठले ३ दलका प्रमुख नेताहरूबीच भेटवार्ता हुँदा समसामयिक राजनीतिक विषयमा पनि छलफल भएको जानकारी दिए । संसद् अधिवेशन आह्वान गर्न सरकारले ढिलाइ गरिरहेका बेला तीनै अध्यक्षबीच त्रिपक्षीय छलफल भएको छ ।
